Ein sera álvarslig vanlukka við eini lyftu í Norðuritalia hevur kravt minst 9 mannalív, tað upplýsa miðlar í landinum.
Vanlukkan hendi um middagsleitið okkara tíð, tá lyftan, sum fer frá Maggiore vatninum, sum liggur nærhendis býnum Stresa, til Mottarone fjallatoppin, brádliga slitnaði úr og datt niður stutt áðrenn hon var komin heilt niðaná. Hæddin har er nærum 1500 metrar, og lyftan datt niður í eitt skógarlendi, sum ikki er lætt at koma til, verður sagt.
Sagt verður eisini, at tilsamans 11 fólk vóru í kabinuni, og fleiri av teimum skaddu eru komin illa til skaða.
Um tú veitst okkurt, sum VP ikki veit - skriva so til vp@vp.fo