Granskararnir halda at ein persónur er í líka stórum smittuvanda – um frástøðan er 2 ella 20 metrar frá smittukelduni.
Tað eru kemi- og matematikkprofessorarnir Martin Z. Bazant og John W.M. Bush á granskingarstovninum MIT sum hava staðið fyri kanningini.
Granskararnir halda at tilmælini um at halda 2 metur frástøðu innandura hevur lítla effekt.
– Tað er eingin grund til at halda 2 metur frástøðu inni, um til dæmis munnbind verður brúkt, sigur Bazant við CNBC.
Granskararnir vísa á, at tá ið tú brúkar munnbind og andar út, fer heita luftin uppeftir og breiður seg í rúminum.
– Tú ert sostatt í størri smittuvanda í rúminum enn av persóninum, tú heldur frástøðu til, sigur Bazant, sambært NRK.
Um tú veitst okkurt, sum VP ikki veit - skriva so til vp@vp.fo
