VP spurdi stjóran í Bústaðir, Andras Róin, hví Bústaðir ikki selur burturav til tess at fáa fígging til nýggjar íbúðabygningar, men tað er neyvan eitt gott hugskot, sambært stjóranum.
- Okkara íbúðir eru í dag meira verdar enn tá ið vit bygdu tær. Selja vit fyri marknaðarprís, fáa vit eitt yvirskot – sum hevði verið gott.
- Men eingin kann keypa uttan at seta upp húsaleigurnar samsvarandi.
- Og tað er trupult vegna leigunevndina, sum hevur ilt við at loyva húsaleiguhækkingum, sigur Andras Róin.
Stjórin vísur eisini á, at um so er tað hevði verið selt burturav, so kann tað gerast ein spurningur um endurhýsing, um leigurnar fara upp.
- Sum vit so kortini høvdu skula skipað fyri.
- So tað er nokk trupult at selja burturav, er niðurstøðan hjá stjóranum.
Um tú veitst okkurt, sum VP ikki veit - skriva so til vp@vp.fo