Politikkur
Tríggjar aðruviðgerðir verða á tingfundinum sum byrjar í dag klokkan 13.30.
Í øllum førum eru tað mál hjá andstøðuni sum koma til viðgerðar - Tjóðveldið hevur tvey uppskot um at fremja fleiri yvirtøkur og Bjarni Hammer úr Javnaðarflokkinum hevur uppskot um felags foreldramyndugleika.
Eisini er framløga á skránni.
Á tingfundinum í dag fer Eyðgunn Samuelsen at taka sæti fyri Heðin Mortensen, sum fer aftur í sessin sum borgarstjóri á Vaglinum í Havn. Annika Olsen tekur við aftur sínum tingsessi, og Jóhan Eli Poulsen fer úr tinginum. Kristina Háfoss fer í farloyvi og varamaður er Páll á Reynatúgvu.
Um tú veitst okkurt, sum VP ikki veit - skriva so til vp@vp.fo
