Anton Olsen, sáli var kapteinur á danska skipinum Claru Maersk, sum bjargaði 4.004 vietnamesarum á havinum í 1975, tá Saigon fall í Vietnamkrígnum.
Sum tað síðsta tiltakið á mentanarvikuni Skýming í Runavík í ár, verður hátíðarhald og minnisvarði reistur til heiðurs fyri Anton Olsen og tað bragdið, hann framdi í 1975.
Hátíðarhaldið verður komandi sunnudag 25. oktober, og sær skráin soleiðis út:
Kl 17.00 í Rituvík: Minnisvarði verður avdúkaður og talur bornar fram.
Kl 19.00 á Bókasavninum við Løkin og í Løkshøll: Myndaframløga, talur og drekkamuður.
Vitjan úr Vietnam
Tríggjar systrar, sum vóru bjargaðar og nú búgva í Danmark, koma til Runavíkar og luttaka í hátíðarhaldinum.
Ein teirra hevur skrivað bók um hendingina, og leggur bókina fram.
Um tú veitst okkurt, sum VP ikki veit - skriva so til vp@vp.fo
