Antony Blinken, uttanríkismálaráðharri, er í kvøld komin til Danmarkar, sum er eitt av fyrstu londunum, ið fær bilaterala vitjan av amerikanska uttanríkismálaráðharranum.
Mánadagin fer Jenis av Rana, landsstýrismaður, á fund við amerikanska starvsbróður sín Antony Blinken.
Danski uttanríkisráðharrin, Jeppe Kofod, og grønlendski uttanríkisráðharrin, Pelle Broberg, verða eisini á fundinum, sum verður í Keypmannahavn.
Umframt mál av áhuga fyri ávikavist Danmark og Grønland, skulu millum annað samstarvið millum Føroyar og USA og støðan í Norðurhøvum og Arktis umrøðast.
Umframt fundin við amerikanska uttanríkismálaráðharran Antony Blinken hevði Jenis av Rana fund við danska uttanríkismálaráðharran Jeppa Kofod í dag og skal hava fund við danska verjumálaráðharran Trine Bramsen týsmorgunin.
Um tú veitst okkurt, sum VP ikki veit - skriva so til vp@vp.fo