Hagstovan: Í september var arbeiðsloysið 1,4%, sum er nakað minni enn undanfarnu mánaðirnar.
Síðani koronufarsóttin rakti í mars hevur arbeiðsloysið verið uppi á 1,8%.
Myndin niðanfyri vísir arbeiðsloysið og gongdina í arbeiðsloysinum. Káma strikan vísir arbeiðsloysisprosentið og sterka strikan vísir gongdina ella trendin í arbeiðsloysinum.
Arbeiðsloysið var 1,4% í september. Tað svarar til 403 fulltíðararbeiðsleys. Arbeiðsloysið var til samanberingar 0,9% í september í fjør.
Í september var arbeiðsloysið 1,2% hjá monnum og 1,6% hjá kvinnum. Sama mánað í 2019 var tað 0,7% hjá monnum og 1,1% hjá kvinnum.
Í Suðuroy er arbeiðsloysið minkað munandi síðani mai, tá arbeiðsloysið var 6,4%. Í september var arbeiðloysið í Suðuroy í 2,1%.
Um tú veitst okkurt, sum VP ikki veit - skriva so til vp@vp.fo
