Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Útlendis ítróttur

Premier League: Chelsea tapti í kvøld púra óvæntað 4-0 ímóti Bournemouth á útivølli. 

Bournemouth lá undan dystinum í kvøld á einum 12. plássi, meðan Chelsea lá einum 4. plássi, men tað legði liðið úr Suður Onglandi líka í og vann stórt.

Støðan í hálvleikinum var 0-0, og var tað ikki fyrr enn í seinna hálvleiki, at ferð av álvara kom á hjá Bournemouth.

Joshua King skoraði til 1-0 og 3-0 í ávikavist 47. og 74. minutti, meðan David Brooks skoraði til 2-0 í 63. minutti. Í 95. minutti sló Charlie Daniels sigurin hjá Bournemouth fastan og skjeyt bóltin í netið til 4-0.

Harvið er Arsenal nú farið fram um Chelsea á stigatalvuni, eftir at felagið úr Norður London í gjárkvøldið vann 2-1 ímóti Cardiff á heimavølli.

Arsenal og Chelsea hava bæði 47 stig, men Arsenal hevur eina betri málúrtøku. Á 6. plássinum liggur Manchester United við 45 stigum.

Um tú veitst okkurt, sum VP ikki veit - skriva so til vp@vp.fo