Átta nýggir smittutilburðir vórðu staðfestir í gjár, mikudagin. Tað vísa nýggjastu tølini frá Landslæknanum.
Sjey av teimum smittaðu eru partur av kendari smittuketu. Ikki er greitt hvussu tann eini persónurin er blivin smittaður.
Fimm av teimum smittaðu hava ikki verið sóttarhaldi.
1121 kanningar vórðu gjørdar seinasta samdøgrið, og allar kanningarnar eru liðugt greinaðar. Tilsamans eru nú gjørdar 280.872 kanningar.
731 persónar hava fingið staðfest smittuna í Føroyum. 687 persónar eru staðfestir frískir aftur. Higartil er ein persónur deyður við koronu í Føroyum.
Í løtuni eru 43 persónar smittaðir við koronu, og 395 fólk eru í sóttarhaldi.
127 fólk fingu fyrra prik og 504 seinna prik á Suðuroyar sjúkrahúsi og Landssjúkrahúsinum í gjár.
Nú eru tilsamans 33.228 koppsetingar gjørdar í Føroyum við koppingarevninum frá Pfizer/BioNTech. 20.841 fólk hava fingið fyrru koppsetingina. 12.387 fólk hava fingið seinnu koppsetingina og eru liðugt koppsett.
Um tú veitst okkurt, sum VP ikki veit - skriva so til vp@vp.fo