Statsepidemilogurin í Svøríki, Anders Tegnell, sigur, at okkurt hevði verið gjørt øðrvísi um koronavirusið tók seg upp av nýggjum.
Tað sigur hann í eini samrøðu við Sveriges Radio í dag.
– Svøríki átti at sett í verk fleiri tiltøk longu frá byrjan av alheimsfarsóttini. Um vit rendu okkum í somu sjúku, og vit vistu júst tað sum vit vita í dag, haldi eg vit høvdu gjørt okkurt ímillum tað Svøríki longu hevur gjørt og tað restin av heiminum hevur gjørt, sigur Tegnell.
– Onnur lond hava gjørt alt í einum. Svøríki hevur gjørt tað stigvíst. Trupulleikin við at seta alt í verk í einum er, at so veitst tú ikki hvørji tiltøk geva besta úrslit, sigur hann í samrøðuni.
Um tú veitst okkurt, sum VP ikki veit - skriva so til vp@vp.fo
