Av og á gevur ein test negativt úrslit, sjálvt um sjúklingurin er smittaður.
Og tað er ein stór avbjóðing hjá sjúkrahúsunum, sigur Nikolai Hoffman-Petersen við Jyllands-Posten.
Nikolai Hoffman-Petersen er leiðandi yvirlækni á medisinskari deild í Region Midtjylland.
Sambært Jyllands-Posten hevur Hospitalsenheden Vest á nýramedisinsku seingjardeildini M3 í Holstebro havt ein sjúkling, sum var testaður negativur fyri covid-19, men seinni vísti seg at vera smittaður.
Nú eru meira enn helvtin av heilsustarvsfólkunum á seingjardeildini sjúkrameldað við koronasymptomum ella staðfest smittað, siga fleiri keldur við avísina.
Nikolai Hoffmann-Petersen fær ikki viðmerkt ávísa málið, men hann váttar, at fleiri starvsfólk á deildunum eru rakt av koronasjúkuni, eisini á seingjardeildini M3.
Um tú veitst okkurt, sum VP ikki veit - skriva so til vp@vp.fo
