Fleiri týðandi ES-lond hava gjørt avtalur um framleiðslu av russisku Sputnik V-vaksinuni, upplýsur íløgugrunnurin í Russlandi.
– Grunnurin er longu samdur um avtalur við Italia, Spania, Frakland og Týskland um at byrja framleiðslu av Sputnik V, sigur Kirill Dmitrijev, leiðari í grunninum. Grunnurin hevur ábyrgdina av altjóða marknaðarføring av russisku vaksinuni.
Mett verður við at EMA fer at góðkenna vaksinuna.
Ungarn og Slovakia hava longu keypt russisku vaksinuna og Tjekkia víst henni áhuga.
Um tú veitst okkurt, sum VP ikki veit - skriva so til vp@vp.fo