- Fólk hava sent klagur úr Ánunum, úr Runavík, Saltangará, Strondum, Kollafirði og av Signabø.
Soleiðis skrivar felagið Heimafriður í eini dagføring á facebook í dag, eftir at manningin á einum skipi í Kollafirði eftir øllum at døma var farin at banka rust klokkan 7 í morgun.
- Heilidagar eru hvílidagar. Hendan vikan eitur enntá “Stilla Vika”. Paradoksalt liggja fleiri av teimum skipum, sum javnan elva til misstrivna og ófrið heima hjá fólki, við bryggju fleiri staðni í Føroyum og órógva, skrivar Heimafriður.
VP hevur vent sær til løgregluna, men har er ongin klaga komin um gang, sigur vakthavandi.
Annars er halgidagslógin rættuliga greið, og nevnir beinleiðis Skírisdag sum ein av døgunum, tá friður skal valda.
Um tú veitst okkurt, sum VP ikki veit - skriva so til vp@vp.fo