Barnafamiljurnar mangla í heilum skrelliposar. Tær mangla skrelliposar til blæur, til tómar mjólkarpakkar og nógv annað.
Hetta er skjótt og lætt at loysa.
Og hetta fari eg at loysa beinanvegin, fái eg undirtøku frá tær og øðrum til býráðsvalið.
Havnin hevur ráð til at lata barnafamiljunum fleiri skrelliposar. Ítøkiliga skulu familjur við børnum fáa eina rullu 3 ferðir um árið og ikki bara 2 ferðir um árið, sum tað er nú.
Hetta er einfalt at loysa og skapar trivnað fyri barnafamiljurnar. Skrelliposar er ein grundtænasta hjá kommununi til okkum borgarar, sum skal vera í lagi.
Tá ið barnafamiljurnar hava tað gott, hevur Havnin tað gott. Og tá ið Havnin hevur tað gott, hava barnafamiljurnar tað gott.
Høgni S. Reistrup
Býráðsvalevni í Havn
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo