Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Bøkur

Hósdagin 14. oktober fer Beinir Bergsson at lesa yrkingar á yrkingafestivalinum Transpoesie, har yrkjarar úr øllum Evropa taka lut. Á tiltakinum hósdagin verða eisini yrkjarar úr Ísrael, Lettlandi, Frísalandi, Kekkia og Rumenia.

Transpoesie er ein árligur yrkingafestivalur, sum hevur til endamáls at varpa ljós á málsligt fjølbroytni í Evropa. Í ár eru seks tiltøk í tíðarskeiðinum 23. september til 21. oktober, har yrkjararnir lesa yrkingar á sínum móðurmálið. Eisini eru yrkingarnar at síggja í almennu ferðsluni í Brússel á upprunamáli við týðingum á fronskum og hollendskum.

Tað er felagsskapurin EUNIC Brússel, sum skipar fyri Transpoesie. EUNIC Brússel er eitt mentanarligt samstarv, har føroyska sendistovan hevur atlimaskap. Endamálið við limaskapinum er at seta føroyska list og mentan á breddan í Evropa.

Rithøvundafelagið avger, hvør yrkjari skal umboða Føroyar á Transpoesie. Undanfarnu árini hava Kim Simonsen, Lív Maria Róadóttir Jæger, Vónbjørt Vang, Carl Jóhan Jensen, Sissal Kampmann, Tóroddur Poulsen og Oddfríður Marni Rasmussen umboðað Føroyar.

Sí meira um Transpoesie her

Um tú veitst okkurt, sum VP ikki veit - skriva so til vp@vp.fo