Klokkan 8:45 í morgin setur eitt privatflogfar seg í Vágum. Tað er komið úr Geneve, og skal flúgva ríkmannin Niklas Nikolajsen, sum hevur føroyskar røtur, heimaftur til Sveis, har hann býr.
Niklas Nikolajsen er langabbasonur Jógvan Fredrik Kjølbro í Klaksvík, og hann hevur seinastu dagarnar vitjað í Føroyum saman við næstu familju síni.
Hann gjørdist múgvandi, tá hann fyri nøkrum árum síðani keypti nøkur Bitcoin fyri lítið og lætt. Virðið er síðani vaksið so nógv, at hann í dag kann teljast ímillum tey heilt múgvandi.
Finans.dk skrivar, at virðið á fyritøkuni, sum hann stendur fyri í Sveis, Bitcoin Suisse, í dag er 2,1 milliard krónur.
Á hesi leinkjuni ber til at síggja eina samrøðu sum TV2 gjørdi við Niklas í 2017.
Um tú veitst okkurt, sum VP ikki veit - skriva so til vp@vp.fo
