Í hesum Bitcoin tíðum er kanska vert at hyggja at hesum innslagnum hjá DR, hóast tað var sent fyrstu ferð stutt undan ársskiftinum.
Tað er um Niklas Nikolajsen, sum hevur spunnið gull burturúr at spekulera í Bitcoin. Hann eigur og rekur í dag fyritøkuna Bitcoin Suisse AG í Sveits.
Niklas hevur føroyskar røtur. Hann skrivar sjálvur á facebook, at stórreiðarin í Klaksvík, J.F. Kjølbro var langabbi sín.
Innslagið um ríkmannin er at finna her.
Til stuttleika kann leggast afturat, at føroyingurin Jan McDonald Arnskov hevur verið við til at gera innslagið.
Um tú veitst okkurt, sum VP ikki veit - skriva so til vp@vp.fo