Nýggj donsk gransking hevur góð tíðindi til tey sum stríðast við krabbamein.
Blóðið hjá einum persóni sum hevur krabbamein kann siga rættiliga nógv um støðuna viðvíkjandi sjúkuni og hvønn veg tað gongur.
Smá krabbameins-dna ferðast runt í kroppinum við blóðinum, og granskarar eru nú komnir rættiliga fitt víðari at brúka hesa vitan í viðgerðarroyndum í Danmark - á granskingarstovni í Aarhus.
Í dag kunnu 50 prosent av teimum sum fáa staðfest krabbamein rokna við at sjúkan versnar aftur eftir operasjón og kemoterapi. Og hesin bólkur kann nú finnast sera skjótt við eini blóðroynd, tí ikki skal bíðast í fleiri mánaðir ella ár eftir, at skanningin vísur, um sjúkan versnar aftur ella ikki.
Um tú veitst okkurt, sum VP ikki veit - skriva so til vp@vp.fo
