Boeing segði einki um designfeil á sínum 737 Max-flogførum fyri flogskiparum og eftirlitsmyndugleika, stendur millum annað at lesa í frágreiðing frá amerikansku kongressini.
Tað skrivar Financial Times.
Frágreiðingin hjá amerikanska lóggevandi valdinum slær fast, at Boeing valdi snarvegir í arbeiðinum við 737 Max-flogførunum og legði trýst á eftirlitsmyndugleikan at fáa flogførini góðkend.
– Fakta sum eru løgd fram í hesi frágreiðingini dokumentera eitt ørkymlandi mynstur í tekniskt skeivum útrokningum og leiðslumetingum hjá Boeing, skrivar flutningsnevndin í kongressini í frágreiðingini sambært avísini.
Frágreiðingin er gjørd í sambandi við tvær flogvanlukkur við Boeing 737-flogførum í 2019, sum kravdu tilsamans 346 mannalív.
What went wrong in the Boeing 737 MAX crashes of 2018 and 2019? Key themes from the US Congressional report published Sept 16@AFP pic.twitter.com/5TVMpMbRBJ
— AFPgraphics (@AFPgraphics) September 17, 2020
Um tú veitst okkurt, sum VP ikki veit - skriva so til vp@vp.fo