Fyrrverandi ráðgevin hjá amerikanska forsetanum stúrir fyri avleiðingunum um Donald Trump verður afturvaldur, og fær fýra ár afturat í Hvítu Húsunum.
- Eg haldi ikki, europearar hava gjørt sær greitt, hvussu nógv stendur uppá spæl her. Verður hann ikki afturvaldur, so kunnu skaðarnir, sum hann hevur gjørt, bæði í USA og í heiminum, bøtast. Men fær hann fýra ár afturat, so verður tað ikki lætt, sigur John Bolton við týska miðilin dpa.
Eitt nú nevnir hann, at vesturlendska verjusamgongan, NATO, av álvara kann vera í vanda fyri at detta sundur.
- Donald Trump veit ikki, hvussu stóra ábyrgd hann hevur, leggur John Bolton afturat.
Bolton gav í juni eina sera atfinningarsama bók út um Donald Trump og umsiting hansara.
Um tú veitst okkurt, sum VP ikki veit - skriva so til vp@vp.fo
