Hold og lyndi hava ikki altíð sama lit
- V. Poulsen

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Innlendis ítróttur

Borðtennissambandið: Innleiðandi FM-kappingin fyri vaksin í borðtennis varð spæld í høllini á Hálsi í dag og í kvøld, og nú er greitt hvørji manna finalurnar á stóra Kontrast FM-finaludegnum í morgin, leygardagin 10. apríl.

Í FM-finaluni hjá monnum hittast Fróði F. Jensen og Pætur Albinus, báðir úr Tór. Fróði hevur verið føroyameistari fýra ferðir áður - í 2012, 2014, 2018 og 2019 - og Pætur Albinus hevur verið føroyameistari tvær ferðir áður - í 2015 og 2017.

Fróði F. Jensen vann 4-0 í hálvfinaluni á veteraninum, Peter Hentze Niclasen, meðan Pætur Albinus vann 4-0 í hálvfinaluni á 16 ára gamla Ára F. Jensen, sum spældi sera væl í dag og á fyrsta sinni leikti seg somikið langt í kappingini.

Hjá kvinnunum verður ein nýggjur føroyameistari í 2021. Tað er longu greitt, tí tær báðar, sum eru í finaluni, Britt Michelsen og Marin Elisabet Poulsen, báðar úr TBF, eru í sínari fyrstu FM-finalu. Britt er 18 ára gomul, og Marin Elisabet Poulsen er einans 14 ára gomul.

Tær báðar hava verið væl upplagdar í ár, og spældu eisini ein sera góðan og tættan dyst í bólkaspælinum í innleiðandi kappingini, har Marin Elisabet Poulsen var tepurt omaná og vann 3-2. Tískil er ein góð finala í væntu ímillum tær báðar í morgin.

Yvirlit yvir FM-finalur í borðtennis 10. apríl:

Einmansleikur, menn: (kl.14:55 - beinleiðis í KVF)
Fróði F. Jensen (Tór) - Pætur Albinus (Tór)

Einmansleikur, kvinnur: (kl.13:15 - beinleiðis í KVF)
Marin Elisabet Poulsen (TBF) - Britt Michelsen (TBF)

Tvímansleikur, menn: (kl.10:40 - stroymt á Borðtennissamband Føroya á facebook)
Peter H. Niclasen (Tór) / Pætur Albinus (Tór) - Fróði F. Jensen (Tór) / Sveinur M. Nolsøe (Tór)

Tvímansleikur, kvinnur: (kl.10:00 - stroymt á Borðtennissamband Føroya á facebook)
Anja Wongwai (TBF) / Britt Michelsen (TBF) - Marin Elisabet Poulsen (TBF) / Elinborg C. Mortensen (TBF)

Blandaður tvímansleikur: (kl.11:20 - stroymt á Borðtennissamband Føroya á facebook)
Sveinur M. Nolsøe (Tór) / Britt Michelsen (TBF) - Ári F. Jensen (Tór) / Sólja H. Djurhuus (Tór)

Um tú veitst okkurt, sum VP ikki veit - skriva so til vp@vp.fo