Borgarafundurin um parkeringsviðurskifti í miðbýnum í kvøld er fluttur úr Perluni á Reinsaríið. Í sambandi við at parkeringspolitikkurin varð samtyktur av býráðnum í desember í 2015, verður nú arbeitt við verksetan av átøkunum úr politikkinum.
Fleiri íbúgvar í miðbýnum, sum ikki hava parkeringsmøguleikar á egnum bústaði, hava søkt kommununa um møguleika at keypa parkeringsloyvi, og eitt av átøkunum í parkeringspolitikkinum er “Parkeringsloyvir til íbúgvar í miðbýnum”.
Býarskipanardeildin hevur nú saman við forkvinnuni í teknisku nevnd, Elini Lindenskov, avrátt at halda ein borgarafund fyri íbúgvunum í miðbýnum. Fundurin verður á Reinsarínum í kvøld 18. apríl kl 19.30.
Um tú veitst okkurt, sum VP ikki veit - skriva so til vp@vp.fo