Bretski forsætisráðharrin, Boris Johnson, er í kvøld koyrdur á intensiva deild á sjúkrahúsi í London.
Hann hevur verið sjúkur av korona virusinum í nakrar dagar, og í dag er hann blivin so mikið vánaligur, at tað var hildið best at hann fór á sjúkrahús, verður sagt í tíðindaskrivi frá Downing Street no 10.
Uttanríkisráðharrin, Dominic Raab, er biðin um at røkja uppgávurnar hjá Boris Johnson so leingi.
Sagt verður eisini í tíðindaskrivinum, at Boris Johnson er við sítt fulla vit, og ikki liggur í respiratori.
Um tú veitst okkurt, sum VP ikki veit - skriva so til vp@vp.fo