Bústaðapakkin er samtyktur við 15 atkvøðum fyri, 6 ímóti og 7 blankum atkvøðum.
Eitt broytingaruppskot var til upprunaliga uppskotið, men tað fall.
Høvuðstátturin í lógaruppskotinum er, at Bústaðir fær møguleika at byggja nýggjar bústaðir – kring alt landið – fyri knappa hálva milliard krónur.
Bústaðir hevur í dag einar 350 íbúðir – innan fá ár 500 – og við samtykta lógaruppskoti kann felagið seta gongd á enn fleiri bústaðaverkætlanir komandi árini.
Fyri at eggja privatum íleggjarum, skal Bústaðir frameftir virka undir meira jøvnum treytum, har grundarlag er fyri kapping. Á henda hátt verður eisini møguligt hjá Bústøðum at samstarva við íleggjarar um bústaðaverkætlanir.
Um tú veitst okkurt, sum VP ikki veit - skriva so til vp@vp.fo