Í fíggjarætlanini fyri 2021 eru fýra miljónir krónur avsettar til orkumál, av hesum eru trígjar miljonir settar av til orkuátøk í bygningum.
Ætlanin er at fáa umlagt til fjarhita í tveimum bygningum, ið er við til at minka um CO2 útlátið og hervið sleppa av við oljunýtsluna í hesum bygningum. Harumframt skal ein stovnur leggja um til jarðhita, íð er ein grøn orkukelda.
Ætlanin er eisini at brúka pengarnar til at skifta til LED ljós í nøkrum bygningum. Tá skift verður um til LED-ljós fáa fæst meira ljós við betri stýring, og hervið minkar elnýtslun og CO2 útlátið.
Tekniski stjórin og leiðarin á Húsaumsitingini mæla til, at umsitingin fær heimild at nýta tríggjar miljónir til orkuátøk í bygningum, at bjóða út og undirskriva sáttmála við arbeiðstakara.
Málið er samtykt í byggi- og býarskipanarnevndini og í fíggjarnevndini, og kemur fyri býráðið hóskvøldið.
Um tú veitst okkurt, sum VP ikki veit - skriva so til vp@vp.fo