Føroyska krimisendirøðin TROM leitar nú eftir leikarum - føroyingum eins og útlendingum - til fleiri fjølbroyttar leiklutir. Talan er um bæði føroyskar leiklutir, sum telja fleiri enn 30 í tali, eins og nakrar útlendskar.
Leitað verður eftir fólki í øllum aldursbólkum - ungum sum gomlum. Tað er ikki eitt krav at hava royndir sum sjónleikari fyri at bjóða seg fram.
Upptøkurnar verða gjørdar í Føroyum í tíðarskeiðnum frá mars til juni 2021. Føroyska framleiðslufelagið Kykmyndir stendur saman við danska REinvent Studios fyri framleiðsluni av sendirøðini, ið Torfinnur Jákupsson hevur skrivað við støði í kendu krimibókunum hjá Jógvani Isaksen, um rannsakandi miðlamannin Hannis Martinsson.
Øll áhugað eru vælkomin at senda ein teldupost til rannva@kykmyndir.fo við yvirskriftini “TROM Casting,” eini mynd og hesum upplýsingum: navn, aldur, kyn og hædd. Síðani fær ein nærri upplýsingar um upptøkuroyndirnar sjálvar.
Um tú veitst okkurt, sum VP ikki veit - skriva so til vp@vp.fo
