Einaræðisharrin í Hvítarusslandi, Alexander Lukashenko, sigur, at fýra eru deyð av covid-19 higartil í Hvítarusslandi, men grafitti boðskapurin hjá íbúgvunum í landinum hevur onnur tøl.
Á eini kiosk í býnum Vitebsk var í síðstu viku málað í reyðum grafitti ávaringin:
'Vitebsk, 22 lík. Halt teg við hús.'
Men einaræðiharrin hevur ein greiðan boðskap til fólk sítt: 'Tað er eingin grund til panikk,' sigur hann. 'Tú skalt bara arbeiða, og serliga nú úti á bygd. Traktorarnir fara at grøða øll! Markirnar grøða!'
Lukashenko segði eisini at vodka drepur virusið, skrivar Daily Mail.
'Eg drekki ikki sjálvur, men eg havi sagt herfyri, at fólk skulu ikki einans vaska sær um hendurnar við vodka, men eisini eitra virusið við tí.'
Um tú veitst okkurt, sum VP ikki veit - skriva so til vp@vp.fo
