Danska stjórnin hevur kunngjørt ein hjálparpakka til heilsuverkið uppá eina milliard krónur.
Pengarnir skulu brúkast til at fáa heilsuverkið ígjøgnum tað, sum politikararnir kalal ein truplan vetur.
Pengarnir eru eittnú markaðir til at halda fast í verandi heilsstarvsfólkum, teir skulu styrkja um virksemið á sjúkrahúsunum, til gangs fyri sjúklingar og starvsfólk og allir starvsfólkabólkar skulu hava burturav.
Gjørt verður vart við, at talan er ikki um eina varandi lønarhækking, men eina skipan, sum skal gera tað meira hugaligt at arbeiða í eini truplari tíð.
Ein áseting er eisini, at heilsustarvsfólk, sum eru farin frá við eftirløn, kunnu koma aftur til arbeiðis uttan at missa pensjónina. Og málsviðgerðin hjá útlendingum, sum vilja koma itl Danmarkar at arbeiða, skal styttast munandi.
Um tú veitst okkurt, sum VP ikki veit - skriva so til vp@vp.fo
