Noreg hevur broytt tað til ein metur. WHO mælir til tað sama.
Og danskir skúlar og matstovur vóna tað sama verður gjørt í Danmark.
Ein av fyrstu døgunum kemur danska Heilsustýrið við nýggjari tilráðing. Og Heilsustýrið umhugsar at broyta frástøðukravið. Sum er nú, er tað tveir metrar, sigur Heilsustýrið við TV 2.
Jenis av Rana, sum umframt at vera landsstýrismaður eisini er kommunulækni, vil eisini hava eina uppgerð við tilmælið um at halda tveir metra frástøðu.
- Tilmælið gav meining fyrstu vikurnar, men í dag finna vit ikki smittuna í samfelagnum. Vit skulu halda fast um reinføri, men eingin orsøk er at krevja tveir metra frástøðu, segði Jenis av Rana við Kringvarpið tann 3. mai.
Um tú veitst okkurt, sum VP ikki veit - skriva so til vp@vp.fo
