Tórshavnar kommuna: Danski innanríkis- og bústaðarmálaráðharrin Kaare Dybvad Bek vitjar í hesum døgum í Føroyum. Í morgin fyrrapart er hann gestur hjá borgarstjóranum, Heðini Mortensen. Ráðharrin hevur sjálvur ynskt eitt óformelt prát við borgarstjóran um kommunu- og bústaðarpolitikk.
Kaare Dybvad Bek er serliga kendur fyri sonevnda ”bústaðarpakkan” hjá donsku stjórnini, umframt at hann hevur víst á loysnir viðvíkjandi tómum húsum og hotelbygningum kring landið.
Á fundinum í morginárini fer Heðin Mortensen at greiða frá arbeiðnum í býráðnum og Birita Wardum, býararkitektur, fer at greiða frá bústaðarpolitikkinum og ítøkiligum verkætlanum í kommununi.
Heðin Mortensen, borgarstjóri, vónar at fáa íblástur frá ráðharranum, tí kommunan arbeiðir støðugt við at loysa avbjóðingina við vantandi bústøðum í kommununi.
Um tú veitst okkurt, sum VP ikki veit - skriva so til vp@vp.fo