Eitt danskt flogfar, sum skuldi evakuera danskar ríkisborgarar úr Afganistan, fekk ikki sett seg í høvuðsstaðnum Kabul, tí ov nógvur ruðuleiki er í floghavnini. Tað skrivar TV2, og danska uttanríkisráðið váttar tíðindini.
Fólk kunnu seta seg á ein lista, sum ynskja at verða flutt burtur, og nógv fólk eru enn á listanum. Uttanríkisráðið vil ikki siga, hvussu nógv, og heldur ikki, hvar flogfarið, sum skuldi fara eftir fólkunum á listanum, ístaðin er farið.
Minst 7 fólk doyðu í gjár á ófriðnum og ruðuleikanum í floghavnini í Kabul.
Um tú veitst okkurt, sum VP ikki veit - skriva so til vp@vp.fo