Nú stendur býartorgið í Steinatúni sum eitt prýði fyri býin.
Seinnapartin var ein lítil samkoma, nú arbeiðið er liðugt.
Skýlið er úr glasi, og tað er fest á súlur, sum eru settar fastar á torginum. Tekjan er avrundað og vinklað úr stáli og timbri. Alt er síðani klætt við kopari.
Omaná tekjuni er deyda løgd, og orkusparandi LED-ljós eru inni undir tekjuni.
Økið er eisini fríðkað við plantukassum og øðrum. Fólk kunnu eisini sita seg niður á beinkir, og ein skíggi er eisini við hentari kunning.
Húsavarðartænastan hevur staðið fyri arbeiðinum. ZETA arkitektar hava sniðgivið. Undirarbeiðstakarar hava verið Maria Poulsen og LM Electric. Verkfrøðingur er Sp/f Spenn.
Um tú veitst okkurt, sum VP ikki veit - skriva so til vp@vp.fo