57 ára gamliu Richard Bernard Moore skal skjótast 29. apríl. Tað hevur hann sjálvur valt, framum at verða avrættaður í elektriska stólinum, sum er hin møguleikin.
Richard Bernard Moore varð í 1999 dømdur fyri at hava myrt eitt starvsfólk í eini kiosk. Fleiri kærumál hava koyrt, og hann roynir enn saman við sakførarunum at sleppa í hægstarætt við málinum, men hetta er vorðið noktað.
Í South Carolina er ikki gjørligt at fáa eiturinnspræning eins og í fleiri øðrum statum í USA.
Sjálvur sigur Richard Bernard Moore, at báðir avrættingarhættirnir, sum tey brúka í Suðurkarolina, eru í stríð við grundlógina.
Um tú veitst okkurt, sum VP ikki veit - skriva so til vp@vp.fo