Tá privata, amerikanska rúmdarferðarstovan Blue Origin í dag sendi triðja liðið av ferðafólki út í rúmdina, var 74 ára gamla Laura Shepard Churchley eitt av ferðafólkunum. Hon er dóttir fyrsta amerikumannin í rúmdini, Alan Shepard. Hann varð í mai 1961 menniskja nummar tvey at koma út í rúmdina, eftir russaran, Jurij Gagarin.
Nú Laura Shepard var úti í rúmdini var tað 60 ár eftir at pápin var har. Saman við henni vóru fimm onnur ferðafólk. Tey vórðu skotin 106 kilometrar upp í loft, og eftir nakrar minuttir í vektloysi lendu tey aftur í øllum góðum 11 minuttir seinni í eini oyðimørk í Texas.
Laura varð boðin við. Tað er ikki upplýst, hvat ein ferð sum henda kostar.
Tað er Jeff Bezos, sum stovnaði Amazon.com, sum eigur Blue Origin. Hetta er triðja ferðin út í rúmdina við ferðafólki, sum hann skipar fyri.
Um tú veitst okkurt, sum VP ikki veit - skriva so til vp@vp.fo
