Synergi: Hetta skeiðið um persónliga planlegging og effektivan arbeiðsdag fær absoluttan TOPP karakter. Heili 10,9 eftir 13’skalanum. Tekningarfreist 17. februar kl. 12.00

Tann 3. mars kemur sera dugnaliga Trine Kolding at hava skeið um, hvussu tú fært ein effektivan arbeiðsdag og hvussu tú leggur tær dagin til rættis, soleiðis at tú fært sum mest burturúr.

Kanst tú svara játtandi til spurningarnar niðanfyri, er skeiðið heilt vist nakað fyri teg:

·         Veitst tú ikki, hvar tú skalt byrja, tá tú kemur til arbeiðis?

·         Er innbakkin fullur og borðið somuleiðis?

·         Verður tú ofta forstýra av hastiuppgávum hjá øðrum, meðan tú situr og roynir at arbeiða teg niður í bunkanum?

·         Fært tú ofta boð at koma við á fundir, sum tú kanska ikki nýtist verða við til?

·         Hevur tú fult av øllum møguligum uppgávum, sum allar sýnast at hasta?

Luttakarar siga:

Odd Færø, SEV: "Undirvísarin megnaði at geva okkum avbjóðingar, uttan at vit kendu ótta ella stúran fyri at avdúka manglandi førleika í tí, sum undirvíst var í. Har var ikki nógv at finnast at."

Sigrun Wardum, Javni:  "Entusiastiskur og sera inspirerandi undirvísari. Fjølbroyttur undirvísingarháttur. Væl valt innihald."

Ása Andreasen, Synergi: "Eg eri kanska eitt sindur inhabil, men eg luttók sjálv á skeiðinum, og eg haldi,  at eg fekk SERA nógv burturúr. Fleiri ting havi eg longu broytt. T.d. havi eg fjerna notifikatiónir á t-postinum ,og eg tjekki ikki mail alla tíðina, sum eg plagdi. Hon greiddi eisini frá, at multitasking er nógv minni effektivt, enn single tasking. Tað hevur man hoyrt fyrr, men á skeiðinum gjørdu vit eina test og fingu sjón fyri søgn. Tað tók dupult so langa tíð!!! Simpulthen. So eg fari at leggja meg eftir at single taska, tí eg eri hervilig til at multitaska."

Tekna teg nú á www.synergi.fo, har tú eisini finnur fulla skrá