Í gjár kom í gildi nýggj kunngerð sum áleggur matstovum og skonkingarstøðum at lata aftur í seinasta lagi kl 23, og í tí sambandi var politiið úti og kannaði um ásetingarnar í kunngerðini vórðu fylgdar. Og tað vóru tær, í næstan øllum førum, sigur vakthavandi á politigarðinum í Havn.
- Nógv høvdu sett ein seðil upp í rútin um at latið bleiv aftur. Men hjá eini matstovu í Eysturoynni varð staðfest, at kunngerðin bleiv brotin, og tí stongdu vit staðið um midnáttarleitið, tá framvegis bleiv selt, sigur vakthavandi.
Brotið verður sektað við bót, og um staðið hevur skonkiloyvi, so endar málið eisini á borðinum hjá loyvisnevndini.
Kunngerðin fer úr gildið aftur tann 31. august.
Um tú veitst okkurt, sum VP ikki veit - skriva so til vp@vp.fo