Í gjár var ein tilburður staðfestur. Tað vísa nýggjastu tølini hjá landslæknanum.
Tilburðurin er partur av kendari smittukeldu.
551 kanningar vóru gjørdar seinasta døgnið. Í løtuni eru 5 smittað í Føroyum.
Í gjár vórðu 147 fólk koppsett. 28 fólk fingu fyrra prikið og 119 fólk fingu tað seinna.
Nú hava 36.739 fólk fingið fyrru koppsetingina. 34.576 fólk hava fingið seinnu koppsetingina, og eru liðugt koppsett.
Tilsamans 71.315 koronukoppsetingar eru gjørdar í Føroyum.
Um tú veitst okkurt, sum VP ikki veit - skriva so til vp@vp.fo