Tórshavnar kommuna lýsti fyrr í ár ein part av matr. nr. 203c í Kollafirði, umleið 4.480 m2, til sølu til bústaðarbygging. Kravið var, at bústaðirnir skuldu gerast sum íbúðir ella raðhús og verða bygdir sum eigara- ella leigubústaðir.
Tá freistin at lata tilboð inn 1. august 2022 kl. 12 var farin, var einki tilboð innkomið.
Kommunan eigur tí framvegis lendið matr. nr. 203c í Kollafirði.
Ynskiligt er tó framvegis at fáa fleiri fjøllbroyttar búeindir í kommununi, og ein roynd at bjóða lendið út umaftur verður væntandi gjørd seinni í ár, sigur kommunan.
Um tú veitst okkurt, sum VP ikki veit - skriva so til vp@vp.fo