Støðan er hættislig á fleiri oyggjum í stillahavstjóðini Tonga, eftir at eitt gos á havbotninum er farið at goysa, fleiri spreingingar hava verið, og øska er send yvir 17 kilometrar upp í loft, tað skrivar New Zealand Herald.
Spreingingarnar vóru so ógvusligar, at tær hoyrdust í Fiji, sum er 700 kilometrar longri norði.
Fleiri onnur lond á leiðini hava sent út ávaringar um flóðaldur, teirra millum er eisini Nýsæland.
Materiellur skaði er hendur, men onki er frætt frá fólkaskaða.
Um tú veitst okkurt, sum VP ikki veit - skriva so til vp@vp.fo