Gleðiligt at hoyra frá Anniku Olsen, borgarstjóra, at nýtt ellisheim skal byggjast í Havn til 64 røktarbúpláss og 6 eldraíbúðir.
Men mín áheitan skal verða. at alt eldraøkið í Tórshavnar Kommunu verður eftirmett skjótast til ber.
Stóra avbjóðingin í eldrarøktini í Tórshavnar kommunu í dag er, at ov fá røktarstarvsfólk eru normerað til eitt alsamt vaksandi tal av búfólkum. Tí er arbeiðsdagurin hjá røktarstarvsfóki í dag vorin óneyðuga tungur og hektiskur, har tíð bert akkurát er til tað heilt basalu røktina, og stórt sæð ikki meira.
Hetta er als ikki virðiligt fyri røktarstarvsfólk, búfólk ella tey avvarandi hjá búfólkum. Tað er eisini almenn vitan í dag , at tað er sera torført at fáa sett nýggj røktarstarvsfólk í starv.
Veri eg valdur til komandu býráðsval vil eg arbeiða miðvíst fyri at eldraøkið í Tórshavnar kommunu verður eftirmett. Harumframt at meira peningur verður játtaður eldraøkikum, so at fleiri røktarfólk kunnu setast i starv runt um á ellisheimum og røktarheimum í Tórshavnar kommunu.
Birgir Nielsen
Valevni á lista A til býráðsvalið í Tórshavnar kommunu
Hetta er eitt lesarabræv. Meiningar og sjónarmið í lesarabrævinum eigur tann ið skrivað hevur. VP leggur nógv í talu- og skrivifrælsi. Tí eru allar meiningar vælkomnar, bara tær eru innanfyri karmarnar á revsilógini og fjølmiðlaetisku leiðreglunum. VP loyvir í ávísan mun dulnevndum lesarabrøvum, tá veit redaktiónin hvør hevur skrivað.
Um tú veitst okkurt, sum VP ikki veit - skriva so til vp@vp.fo
