- Tamarhald er ikki á eldinum, men hann spjaðir seg eftir øllum at døma ikki víðari. Tað sigur Mattias Lindhold frá svensku sjóbjargingartænastuni við norska TV2.
Talan er um farmaskipið Almirante Storni sum siglir undir liberiskum flaggi. Skipið er fult av farmi, mest timbri, og tað er bara farmurin sum brennur, ikki sjálvt skipið, verður sagt.
- Tað hevur higartil borið til at avmarka eldin, sum allur er omandeks, men hann er trupul at sløkkja, tí farmurin er so tættur, verður eisini sagt.
Manningin telur 17, og teir eru allir umborð enn, men bjargingartyrlur standa klárar um tað gerst neyðugt.
Um tú veitst okkurt, sum VP ikki veit - skriva so til vp@vp.fo