Onnur tíðindi
Fleiri ísraelskir miðlar skriva um, at Pfizer/BioNTech-vaksinan møguliga er orsøkin til sjáldsama hjartasjúku hjá ungum persónum.
Tað skrivar Politiken.
Út av 5 milliónum vaksineraðum, hava 62 fingið sjáldsomu hjartasjúkuna myocarditis fáar dagar eftir vaksineringina.
Ein 22 ára gomul kvinna og 35 ára gamal maður eru deyð.
Tey flestu hava fingið sjúkuna eftir næsta prikið, og tey flestu eru menn undir 30 ár.
Sjúkan gevur sjáldsaman bruna í vøddalagið í hjartanum.
Evropeiski heilivágsstovnurin (EMA) er vitandi um tilburðirnar, men sigur, at enn er nakað tíðliga at siga, um beinleiðis samband er millum vaksinu og hjartabrunan.
Um tú veitst okkurt, sum VP ikki veit - skriva so til vp@vp.fo
