Eitt gott høvd og eitt gott hjarta er ein framúr blanding
- Nelson Mandela

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Tekstlýsingar

Hevur tú hug at royna teg sum einalærara, so er møguleiki at søkja tíðaravmarkað starv skúlaárið 2020-21 í Fámjins skúla.

Starvið verður sett frá 1. august 2020.

Um starvið
Í Fámjins skúla er ein næmingur, og fer hann næsta skúlaár í 6. flokk.

Einalærarin er bæði leiðari og lærari skúlans. Hann undirvísir í øllum lærugreinum og hevur fyrisitingarligu og námsfrøðiligu leiðsluna og ábyrgd av virksemi skúlans.

Einalærarin skal fremja gott samstarv millum skúla og heim, skal virka fyri trivnaði og at skipa eina mennandi og fjølbroytta undirvísing.

Førleikakrøv
Umsøkjarar skulu hava útbúgving sum fólkaskúlalærari og starvsroyndir í fólkaskúlanum.

Lønar- og setanartreytir
Setanarøkið er undir Uttanríkis- og mentamálaráðnum við fyribils tænastu í Fámjins skúla. Tann, ið settur verður, eigur at tola broytingar í starvinum.

Starvið er flokkað í lønarflokkunum 27.1, 28.1, 29.1, 29.2 og 31.2 sambært avtalu millum Fíggjarmálaráðið og Føroya Lærarafelag.

Umsóknir
Umsókn saman við avriti av prógvi, c.v. og øðrum skal verða Uttanríkis- og mentamálaráðnum í hendi í seinasta lagi 13. juli 2020.

Umsóknin verður stílað til:

Uttanríkis- og mentamálaráðið
Tinghúsvegur 7
Postrúm 3279
110 Tórshavn
ella við t-posti: ummr@ummr.fo

 
Tey, ið ynskja fleiri upplýsingar um starvið, kunnu ringja ella skriva til Jenny Lydersen, undirvísingarleiðara, tlf. 555044. t-postur: jenny@ummr.fo.

Uttanríkis- og mentamálaráðið hevur sum høvuðsuppgávu at fyrisita undirvísingarmál, mentamál, gransking og uttanríkismál. Harumframt umsitur ráðið uppgávur viðvíkjandi kirkju, loftmiðlum og frítíðarvirksemi.

Um tú veitst okkurt, sum VP ikki veit - skriva so til vp@vp.fo