Risastóra farmaskipið Ever Given er aftur farið gjøgnum Suesveitina, har tað í mars skoraði seg fast so veitin var tipt í nærum eina viku. Hesaferð tó í øllum góðum, skriva fleiri miðlar.
Ever Given er á veg úr Stórabretlandi til Kina. Tveir sleipibátar og ein heilur riðil av loðsum vóru við á ferðini gjøgnum 162 kilometra longu veitina, sum gongu gjøgnum Egyptaland og bindur Miðjarðarhavið og Reyðahavið.
Vanliga sigla 25.000 skip ígjøgnum veitina, sum styttur leiðina ímillum Asia og Europa við eini fimm-seks døgum.
Um tú veitst okkurt, sum VP ikki veit - skriva so til vp@vp.fo