Um tú ert fátækur, men vilt verða ríkur, veldst ikki so nógv um hvat tú tjenar, sum hvussu tú hugsar
- George Gilder

Rules

Only words with 2 or more characters are accepted
Max 200 chars total
Space is used to split words, "" can be used to search for a whole string (not indexed search then)
AND, OR and NOT are prefix words, overruling the default operator
+/|/- equals AND, OR and NOT as operators.
All search words are converted to lowercase.

Tiltøk

Í dag, hósdagin 11. juni, eru tvey Eystanstevnutiltøk á skrá:

Eystanstevnugrannauppgerðin millum umsitingarnar hjá Nes- og Runavíkar kommunum á vøllinum við Løkin og ein golfkapping við 5 3-mannaliðum í haganum omanfyri Hústoft.

Kl. 16.30 Kommunudystur við Løkin
Lagt er upp til ein spennandi dyst við Løkin, tí í fjørð vann liðið hjá Nes kommunu í tøttum dysti, har Runavíkar kommuna annars eigur flestu sigrarnar.

Borgarstjórin Torbjørn Jacobsen er liðformaður á liðinum hjá Runavíkar kommunu, og fer at spæla í egnari NSÍ troyggju við navni á rygginum, sum hann fyri nøkrum árum síðani fekk í gávu frá fótbóltfelaganum NSÍ.

Viðhaldsfólk eru vælkomin.

Kl. 18.00 Golfkapping
Fyrst golfkappingin í Runavíkar kommunu verður spæld omanfyri Hústoft. Golf felagið bleiv stovnað til jólar í 2018, og hevur síðani arbeitt við at fáa atgongd til lendi og at gera nøkur hol, so golf kann spælast í haganum. Í kappingini kappast 5 lið við 3 monnum á hvørjum liði. Tiltakið verður omanfyri Hústoft.

Um tú veitst okkurt, sum VP ikki veit - skriva so til vp@vp.fo