Norðlýsið skrivar í dag, at samgongan við einum smølum meiriluta ætlar at trumfa ígjøgnum, at verandi umboðsmaður skal halda fram sum løgtingins umboðsmaður.
Samgongan vil eftir øllum at døma hava sín “egna” umboðsmann.
Tað passar helst best í politiska krammið hjá samgonguni.
Keldur vilja verða við, at tað er serliga Høgni Hoydal - saman við partamanninum Páll á Reynatúgvu - sum vil hava umboðsmannin at halda fram.
Fundur verður í løgtinginum mánadagin, og tá fæst at vita, um samgongan fær sín vilja ígjøgnum.
Tað er sum við Kára P, at “meirilutin ræður”, men spurningurin verður hereftir, hvør fer at taka Umboðsmannin í álvara eftir at tað er komið fram, at politikkur nú eisini er komin í valið av løgtingsins umboðsmanni.
So kunna vit spyrja, hvussu tað fer at vera við republikkini Føroyar, tá Høgni Hoydal politiskt fer at útnevna “sín” fyrsta hægstarættardómara í Føroyum.
Hetta er ein oddagrein. VP hevur frælslynta sjónargrein, sum stundum kemur til sjóndar í oddagreinunum.
Um tú veitst okkurt, sum VP ikki veit - skriva so til vp@vp.fo
