Karl Johansen, borgarstjóri í Klaksvíkar kommunu, segði við Kringvarpið í tíðindinum í dag, at Arcticka nú sleppur at bryggju aftur, tí hon skal hava minkað um larmin við einari helvt. Hvar er skjalprógvið upp á tað?
Tað skulu heilt serlig tól til fyri at máta larm, men sum landsstýrismaðurin í umhvørvis- og vinnumálum einaferð segði: “Hvat nyttar at tosa um decibel, tá fólk ikki fáa sovið?”
Heimafriður hevur hesar spurningar til borgarstjóran í Klaksvík:
1. Hevur Klaksvíkar kommuna gjørt ljóðmátingar av óljóði frá Arcticu?
2. Kann kommunan leggja tølini fram?
3. Tekur borgarstjórin í Klaksvíkar kommunu ikki borgarar sínar fyri fult?
4. Hvussu ætlar Klaksvíkar kommuna at tryggja, at fólk fáa frið fyri larmi frá skipum og vinnuni?
Vinarliga
Nevndin í felagnum Heimafriður
Um tú veitst okkurt, sum VP ikki veit - skriva so til vp@vp.fo
