Dagstovnaøkið “Hoyvík við meira” hjá Tórshavnar Kommunu hevur fingið danska sálarfrøðingurin Jens Andersen at halda fyrilestur um týdningin, ið foreldur hava á barnsins menning, felagsskap og trivnað.
Fyrilesturin snýr seg serstakliga um týdning miðlanna í gerandisdegnum og teir møguleikar og trupulleikar, ið foreldur møta, tá ið barnið nýtir miðlarnar. Fundurin verður í skúlanum við Løgmannabreyt mikudagin 6. apríl kl. 19.
Jens Andersen er ein væl dámdur og undirhaldandi fyrilestrarhaldari, sum nýtir skemt og ávís dømi fyri at geva íblástur og nýggja vitan innan barnauppaling og familjulív.
Í økið “Hoyvík við meira” eru 12 dagstovnar úr Hoyvík, Kaldbak og Kollafirði.
Um tú veitst okkurt, sum VP ikki veit - skriva so til vp@vp.fo