Í fagrasta veðri fór ferðaliðið við Team Rynkeby súkklarunum í morgun leiðina úr Klaksvík til Danmarkar, har súkkla verður í ár.
Nógv fólk var savnað til tiltakið, sum Klaksvíkar kommunu hevði skipað fyri í samband við, at ferðin nú er byrjað.
Borgarstjórin, Karl Johanesen, byrjaði løtuna við at minnast Guttorm Sørensen, sum í dag verður fylgdur til hansara seinasta hvíldarstað her á foldum. Síðani helt borgarstjórin røðu fyri súkklarunum.
Eisini helt Herdis Vernersdóttir, vegna Hjartabarn, eina røðu. Súkklararnir vórðu heiraðir við fløggum, køkum og sangi. Karl Martin Samuelsen og Eyðun Nolsøe spældu trý løg, sum hóskaðu sera væl til høvið.
Røðan hjá borgarstjóranum kann lesast her
Um tú veitst okkurt, sum VP ikki veit - skriva so til vp@vp.fo