Tórshavnar kommuna: Foreldraráðið fyri Eysturskúlan, og foreldur at næmingum á Eysturskúlanum, vendu sær herfyri til Tórshavnar Kommunu, tí tey mettu ikki ferðslutrygdina á staðnum nóg góða.
Heitt var á kommununa um at finna eina haldgóða loysn, so ferðslutrygdin kundi betrast. Somuleiðis hava íbúgvar í grannalagnum heitt á kommununa, um fáa betri skil á parkeringina við vøllin.
Umsitingin hjá Tórshavnar Kommunu hevur gjørt eitt endaligt uppskot og kostnaðarmeting av at ferðslutryggja vegirnar við Eysturskúlan. Uppskotið hjá Kommununi fevnir eisini um at fáa til vega 9 p-pláss afturat til Eysturvøll, so parkeringsviðurskiftini í økinum kunnu skipast betri.
Fíggjartørvurin er mettur til 1,8 mill.kr. Og arbeiðið er klárt at bjóða út.
Málið bleiv endaliga viðtikið á býráðsfundinum í gjárkvøldi, 30.sept.
Um tú veitst okkurt, sum VP ikki veit - skriva so til vp@vp.fo